王浩信搬离爱巢要离婚?靠演技弹起却输在人品,出轨偷吃不断...

12-11 04:59 首页 HK娱乐圈


34岁的王浩信去年拍《EU超时任务》弹起,今年仲先后拍《不懂撒娇的女人》同《踩过界》,而佢在剧中大多都系饰演暖男角色,形象正面到爆。



而现实中佢11年早早就封盘结婚,同当时大台小花陈自瑶奉女成婚,而人夫同好爸爸形象亦帮佢成为新一代「师奶杀手」。 



不过最近屡传王浩信婚姻亮起红灯,「蛛丝马迹」包括两公婆由经常互贴sweet相到渐渐「冇互动」,甚至老婆同阿女嘅合照,王浩信亦未有俾「like」支持。 事后王浩信马上澄清造只系太忙冇俾like,之后仲「跟得好足」,陈自瑶每次post相,王浩信都好似收到讯号咁,马上俾like。



至于之前不时两公婆晒恩爱嘅post已经绝迹,反而不时post陪阿女嘅相,「慈父」形象GET! 



即使系咁,王浩信分居传闻亦甚嚣尘上,不少同事都有听闻,昨日更有传媒报道指,王浩信已搬出日出康城爱巢,与细佬同住维景湾畔,更指两公婆出现问题原因系地位「男尊女卑」,喺再添丁问题上出现分歧。 



《苹果》收到消息指两人分居,但女方缺乏独立经济能力,故关系一直胶着;但关系生变原因唔系生仔,而系王浩信嘅异性缘太劲,令一直哑忍嘅陈自瑶,最后亦忍无可忍。 



其实由婚前到婚后,王浩信媾女传闻一直不绝,喺婚前有传偷食Cammi,而近年喺大台走红后,每次拍剧都会与同剧嘅女拍档表现暧昧。 



而最近播映紧嘅《踩过界》,开拍时有指「癫姐」蔡思贝同张振朗因为拍剧而挞着传绯闻,不过有指「真命天子」另有其人。另外又有传虽然《踩过界》一剧早已拍完,不过王浩信仍主动约女拍档食饭聚旧,甚至某次仲开埋VIP房约女演员去火锅店食饭,甚至更二人孤男寡女独处。至于系边位女演员,应该唔难估啦! 



依家系无线力捧小生嘅王浩信,当然有嘢想讲,不过依家唔讲住。佢噚日回覆传媒称日内会出席公开活动,到时一次过交代。系咪交代「唔好嘅消息」?佢又话唔系喎。


大家觉得王浩信会离婚吗?

?转载授权微信:lama129

? 商务QQ:443317765


首页 - HK娱乐圈 的更多文章: