撞正露体狂!邓丽欣冇有怕:闹走咗佢 元老聚首《壹号皇庭》全员合体!

摘要: 本期关键词:陶大宇 邓丽欣 舒淇 邓萃雯 容祖儿

12-11 02:08 HK快报→ 首页 HK娱乐圈



今日快报



有喜退出娱圈?舒淇宣布:暂告演员生涯



突发!41岁的艺人舒淇无啦啦喺微博晒猫相,之后留言:「暂告演员生涯,承蒙错爱。。。。。。各位,江湖再见」唔系啩!?啲网友揣测佢系咪要退出娱乐圈!

而舒淇喺ig都有晒猫相,都有相同嘅留言,但就都有加多一句说话,佢透露佢嘅新戏啱啱煞科,所以都有网友觉得佢只系宣布拍完新戏,并唔系退出娱圈。亦有网友问佢系咪大肚,要安心养胎呀!


【闺蜜年】阿Sa自嘲百年摇钱老树



天后容祖儿和Twins的蔡卓妍(阿Sa)及锺欣潼(阿娇)三女相识廿载首度合唱新歌《全副舞装》,并特别到澳门新濠影滙的8字摩天轮上取景拍摄MV。现场三女在摩天轮前进行打手印仪式,穿Low-cut的祖儿乌身时,阿Sa出手揿住对方的心口,怕她走光。



三女感情要好更自封为「龙虎豹」,活动上三人讲到终于合作,祖儿谓:「今年系闺蜜年,年头同阿Sa去完旅行,跟住我哋三个合作拍广告,到依家又有呢次嘅合作,冥冥中自有主宰,系刚刚好。」被问到可会再有其他合作?阿Sa笑言:「一定有机会,我哋同一公司,佢哋一定唔会放过搵钱嘅机会,仲要今次系国语歌,我哋系一棵好大嘅摇钱树,我哋加埋系棵百年老树。」



讲到日前阿娇被拍到偷运「医界王阳明」男友赖弘国返闺,阿娇坦言:「几时偷运呀?(光明正大?)系呀,佢有手有脚识得自己行。(男友摄时间来探你?)佢都辛苦,都觉得好感动,佢都好忙,但大家都想见多啲面维持感情。」


讲到早前阿Sa生日,问到麻雀馆太子爷男友送甚么礼物?阿Sa谓:「有送礼物,不过唔讲你知系咩,阿娇送咗手袋,祖儿就送咗相机畀我。」阿娇就话:「佢哋锺意啲嘢好奇怪。」送只刻有Sa字麻雀畀你?阿Sa笑话:「系呀!上面写住个Luck字。」旁边的祖儿就搭嘴笑道:「I Luck You呀?」

 

撞正露体狂!邓丽欣冇有怕:闹走咗佢



演员邓丽欣与周秀娜在九龙湾出席主演电影首映,两人不约而同以斜膊装亮相,问到是否配衬过服饰?邓丽欣笑说:「冇衬过,不过我哋成日都系咁,好夸张,可能呢啲就系拍戏嘅默契。」


邓丽欣希望票房会有惊喜,她说:「呢套系好女人嘅戏,自己拍完都觉得好爽,好似为女性发声,加上近排又有一啲女性嘅报道,希望藉住呢套戏为女性加油。(有冇试过不快经验?)细个住喺屯门,嗰阵有屯门色魔。有段时间放学好锺意同喺公园同同学倾偈,试过有次撞到露体狂,自己由细到唔怕死、好大胆、有啲正义感,身边同学就好惊,自己弹咗出嚟闹走嗰个露体狂。佢揭开咗之后见到啲肉色嘅嘢,第一下好惊,第二下就嬲,觉得好唔尊重,畀我闹走咗佢,可能佢冇谂过我咁恶,佢都有啲惊,闹完之后自己就识惊,后来好似有报警。好彩系见到,唔系直接嚟攻击我。」周秀娜指未有不快亲身经历,但希望大家关注杜绝这些事情。


畀农夫抽水!翠如唔敢反击:会体无完肤



艺人黄翠如以露肩装到屯门出席酒店开幕,讲到在节目《Do姐再Shopping》被农夫虾,她笑言跟现实生活中相处一样,但开心节目收视好,打算迟些一起食饭庆功,她亦戥郑裕玲(嘟嘟)及农夫开心。


讲到在节目中被农夫抽水笑她与男友萧正楠,她笑言:「靓抽,抽得好好,佢哋好叻靓抽,有啲押韵喺其他人把口讲出嚟冇咁好笑,系C君玩押韵老土得嚟又潮。(你唔反击?)我反击多一下佢哋就会再抽多一下,咁就会体无完肤,不过好开心因为节目令到我同农夫好熟,嘟嘟都好锡我,所以我系赚咗嘅。」

《壹号皇庭》合体!陈秀雯难得蒲头

 


无线深宵热播剧《壹号皇庭》系列成为网民热话,昨晚多位演员包括陶大宇、欧阳震华、刘美娟、邓萃雯、陈慧珊(Flora)、陈秀雯、苏永康、姚莹莹、骆应钧及林保怡来个「世纪饭局」,当中有不少演员包括陈秀雯及陈慧珊等更是多年冇见,故大家甫见面即倾不停!



陶大宇接受访问,坦言剧集自九月重播后,一班台前幕后都有重看,并回味当年拍摄时的开心点滴,同时更触发搞饭局这念头。



在第五辑中饰演大宇女友的陈慧珊(Flora),原来是她首部电视剧作品,Flora在饭局现场一见到大宇即说:「我第一个剧就系同你合作!」Bobby闻言即笑着反问Flora有否被大宇欺负,Flora说:「大宇帮我好多就真!因为当时我广东话唔好,演时又要我食烟,两样都唔识,最记得有场戏系要讲两页纸对白,加上当时系飞纸仔,好彩大宇帮咗我好多!」



同场的邓萃雯则说《壹号皇庭》系列的角色众多,可以分拆五个组合去拍剧,大宇也表示认同,更笑言:「如果搵齐晒咁多个拍,应该冇乜老板请得起,因为太贵!」

?转载授权微信:lama129

? 商务QQ:443317765

长按识别二维码关注


首页 - HK娱乐圈 的更多文章: